Ké, ké, boa lain saangin-anginna, Lur? Boa éta mah gelebug amarah Kangjeng Éyang Pangéran Kornél, nu teu widi aya gedong kasenian di béh dinya, bari aya nu basilat. Urang tos pada terang, réh anjeunna mah kawentar wantunan pisan. Bujeng-bujeng ka Kangjeng Gubernur Jabar nu leuleus keuyeup, dalah Sang Gubenur Jéndral Daendles nu kakocap galak ogé pan ku anjeunna mah ditangtang duél, da aya kateupanuju.
Awas!
Waspadalaah!
Mun teu gura-giru ditalungtik, mun nu boga dosana teu buru-buru dicerek, ulah nyalahkeun urang Sumedang mun dina hiji mangsa, aya angin badag nu nebak Gedong Saté, tepi ka hiber ka Walanda!
Hag, siaaaah! ***